A green kitten's (mis)adventures

Dragging.

Alam mo yung pakiramdam na pag pumapasok ka sa office, para ka na ring pumapasok sa school?  Yung tipong pag hindi mo natapos ung "homework" mo, wala, lagot ka?  

Ganun lang naman yung pakiramdam ko ngayon.

12 hours a day ang trabaho, nakakapagod din pala.  I was hoping for some "challenge" tapos eto pala ang kapalit.

Hay.

Pero if there's one thing I'm grateful for...yun eh hindi ako nase-stress sa mga katrabaho ko.  Unlike before.  I miss my old team, yes, hekshuli almost ubos na yung agents ko sa Monster, and I'm really sad about it.  Sayang, sana andun pa sila, pero wala.  Pero yun nga, I'm happy with where I am now.  :)

Hi, October!

Wow, October na pala!  October 2 na nga...and what does that mean?  Malapit na ang pasko...and...?

Ngarag na ako for the past weeks dahil sa work, dagdagan pa ang nalalapit kong wedding...OMG, grabe, nape-pressure na ako!  Hindi lang halata, pero hindi ko na malaman kung saan ako huhugot ng oras.  Parang andami pang kulang...andami ko pang di nagagawa...

Nga pala, si Tetchi ay nasa pagamutan pa.  Kumusta naman!  2 weeks na akong nagko-commute.  Ang hirap, huhu.  Wag na akong sabihang maarte, mahirap talaga, kaya nga ako bumili ng karu noh para hindi mahirapan sa pagko-commute, knowing na napakaselan ko sa katabi sa byahe.

Oh well, eto na muna.  Saka na ulit, medyo haggard na akez.  Basta, hello, October.  :)

Father's Day 2011.

Oo na, sige na, masama na akong anak dahil sa hindi ako nakapunta sa puntod ng tatay ko ngayong father's day.  

Pero hindi ibig sabihin nun, nakalimutan ko na kung papano kami minahal at inalagaan ng tatay ko nung nabubuhay pa siya.

Si papa ang sumasaway sa akin pag lumalabas ako ng walang short.

Si papa ang nanenermon sa akin pag umiiyak ako dahil inaway ako ng kalaro ko dahil sa ako ang mas malaki, pero ako ang umiiyak.

Si papa ang nagpukpok sa isip ko ng kahalagahan ng edukasyon.

Si papa ang nag-ayos ng warde-wardeng driving skills ko at nagpatibay ng loob ko na humarap sa mga tarantadong driver sa mga kalsada ng Maynila.

Si papa ang nagpamulat sa akin ng pagmamahal sa trabaho.

Pero di ko naibalik ang dapat, naibalik ko sa kanya.  Likas lang na may katigasan ang ulo ko.

Hanggang sa mga huling sandali, alam kong masama ang loob ng tatay ko sa akin.  Ngayon, alam kong pinatawad na niya ako.

Happy father's day, papa.  Miss na miss ka na namin.